أفكار لصنع فاصل كتاب

السلام عليكم ورحمة الله وبركاته،

بسوي لكم اليوم عدة أفكار لفاصل كتاب سهلة جداً.

أول فكرة:

استخدمت جهاز الكاميو وقصيت الشكل اللي ابغيه وبعدها خرمته بخرامة crop a dile وربطه بخيط عشان يكون في جزء منه طالع من الكتاب. و بس .... وايد سهل صح؟!

الفكرة الثانية:

استخدمت ورق عليه تصاميم جاهزة وبعدها قصيته عن طريق جهاز الكاميو بالحجم اللي أبغيه وخرمته من فوق وعلقت عليه طربوش :)!

الفكرة الثالثة:

عندي تصاميم جاهزة لعبارات مختلفة، فاخترت وحدة منهم وقصيت الحدود عن طريق جهاز score and trim وبعدها بعد خرمته وعلقت عليه الطربوش....وصار عندنا فاصل كتاب :).

و يا رب تكونون استفدتوا من الأفكار ^ـ^.