فكرة تغليف هدايا بإستخدام الأختام الشمعية

السلام عليكم ورحمة الله وبركاته :)

بطبق لكم اليوم فكرة تغليف هدايا باستخدام الأختام الشمعية..

مثل ما تشوفون هنيه .. أول شيء استخدم مغلف بني لتغليف المفكرة.. وبعدها استخدمت الشمع الأبيض عشان حبيت أحط وياه ال gold flakes وبعدها ختمت عليه بالشمع بعد ما ذوبته في الشمعة.

ملاحظة: شوفوا آخر صورة فيها علامة سوداء وهذا بسبب إني بالخطأ الملعقة من تحت (يكون لونها أسود لأنها محترقة من الشمعة) لمست الشمع فبقعت بالأسود. لذلك، دائماً انتبهوا وانتوا تصبون الشمع.

في التغليف الثاني، استخدمت هذا البوكس وحشيته بورق أبيض من تحت وبعدها حطيت الهدية وفوقها مرة ثانية الورق وزينته بالورقات الذهبيات.

استخدمت الخيط البني في تغليف البوكس.

وبعدها ذوبت الشمع الأحمر وسكبته على قصاصة من مجلة وحطيت ورقة خضراء مجففة وطبعت عليها بالختم.

وكانت هذه فكرة التغليف الثاني :).

وفي هذا التغليف استخدمت هذا البوكس مع خيط بني وورق مجفف. بسيط لكن جداً جداً أنيق.

وبس :)

هذه كانت أفكار لتغليفات سهلة وبسيطة ويا رب تكونون استمتعتوا!

يوم سعيد لكم بإذن الله.